生b計劃(杰長入) @ oob73zj92b的部落格

標題:

生b計劃(杰長入)

發問:

你之前話生b要隔開鼠爸，但我睇有d人都唔隔開？鼠媽飲奶，咁個d係咩奶？人飲的奶粉？我見有d人放d面包落去！有冇問題？因為我要番學，又想養一男一女，唔理佢地得唔得(假設生左) 生左要注意d咩？留意d咩養鼠冇廁所得唔得？ thx 更新: 生完可以一齊生活？

最佳解答:

此文章來自奇摩知識+如有不便請留言告知

A.唔能夠排除有鼠爸會唔傷害鼠b既例子,但絕對係唔常見,鼠鼠生B後唔拎走鼠爸,只係用鼠b生命去博,鼠b要健康成長,完全係唔需要鼠媽以外既鼠去照顧,實在冇必唔拎走鼠爸去搵命博;而且鼠b好細已經有能力懷孕,雖然年幼較難會成功懷孕,但唔拎走鼠爸卻隨時有亂倫既情況,亂倫易會生出畸胎,畸胎既問題詳細可參考: http://hk.knowledge.yahoo.com/question?qid=7009091900550 一般人生b後唔拎走鼠爸,多數係因為唔能夠買多個籠,怕麻煩,又或係想鼠鼠一家人咁生活,但其實呢幾個原因都係唔了解鼠鼠先會咁諗鼠鼠係獨居動物,習慣獨自生活,係冇家庭觀念,野生既鼠自己一個住,到發情時先走埋一齊交配,交配後就各散東西,鼠爸係完全唔會接觸到鼠b,鼠b出世後21日左右,戒奶後鼠媽就會離開鼠b,鼠b同鼠b亦唔會一齊住如果唔想買多個籠,但又要繁殖鼠鼠,將鼠鼠放埋一齊,就好易打交,因壓力而生病or亂倫,所以成日都會見到人話鼠鼠打交,不斷繁殖又不斷遺棄,咁鼠鼠就會好慘,人亦好煩惱 B.俾鼠媽飲既奶係人飲用奶粉 C.鼠鼠可以食少量白麵包,特別係體弱or生病時需要食 D.生完B唔理佢,如果係指唔分開鼠爸既話,咁鼠媽就易會唔理鼠b,又或鼠爸及鼠媽會食b;而且用既籠如果係鐵籠,鼠b就可能會趺出籠外鼠媽生b後係唔可以打擾,但需要在唔打擾既情況下要付出好多時間去照顧,只係生b後添加食物,就可能要花多好多時間,避免鼠媽發現你郁過佢既野 E.要鼠鼠生B請先要考慮清楚,點解想繁殖鼠鼠?有冇了解過繁殖鼠鼠既過程同後果? 如果不斷繁殖,唔洗好耐可以繁殖出過百隻鼠,只係繁殖一次亦可能兩隻變十幾隻鼠,有冇諗過點處理?鼠鼠唔可以一家大細一齊住,鼠b之間亦易打交or因壓力而生病,有冇足夠既地方時間金錢同心機去解決呢d問題?實在有好多人不斷繁殖不斷遺棄,鼠鼠會好慘,人亦會好煩惱,一定要好好考慮先得,決定錯誤,隨時係令數條生命死去,甚至死傷數目更大其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠及一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下: 1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既 2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢 3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢 4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦 5)就算唔打傷打死,都會感到壓力,壓力會誘發甩毛肚瀉等疾病 6)一籠唔止一鼠,仲會較惡,特別易咬人同比較難同主人熟 7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶 8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況如果真係堅持繁殖,亦要了解多d先,生b要留意既事可參考: http://hk.knowledge.yahoo.com/question?qid=7009070201470 F.鼠廁所唔係必須品,可有可無,只係鼠鼠用既話,衛生會好D,亦方便清理鼠廁所用途及教鼠鼠用廁所既方法可參考: http://hk.knowledge.yahoo.com/question?qid=7009092600558

其他解答: